У нашым горадзе функцыянуе 58 устаноў адукацыі, падведамасных упраўленню па адукацыі: 35 ўстаноў дашкольнай адукацыі; 3 гімназіі; 15 сярэдніх школ; ліцэй УА «Палескі дзяржаўны ўніверсітэт»; Цэнтр карэкцыйна-развіваючага навучання і рэабілітацыі; сацыяльна-педагагічны цэнтр; Цэнтр дадатковай адукацыі дзяцей і моладзі; ДВМУ "Вучэбна-метадычны кабінет г. Пінска".
Сетка ўстаноў адукацыі задавальняе запыты вучняў і іх бацькоў у атрыманні якаснай адукацыі, рэалізацыі індывідуальных здольнасцей.
6705 выхаванцаў наведваюць дашкольныя ўстановы.
Адукацыйны працэс ва ўстановах адукацыі забяспечваюць: 1431 педагог устаноў агульнай сярэдняй адукацыі і 876 педагогаў дашкольнай адукацыі, 48 педагогаў ЦКРНіР, 21 педагагічны работнік СПЦ, 53 - ЦДАДіМ. Вышэйшую адукацыю маюць: 93,1% настаўнікаў школ і гімназій горада; 67% педагогаў дашкольных устаноў. З вышэйшай і першай кваліфікацыйнымі катэгорыямі ў школах і гімназіях горада працуе 83,5% педагогаў, у дашкольных установах – 73,4%. Настаўнікаў-метадыстаў – 9 (0,9%) педагогаў.
У гімназіях і школах горада ў 2022/2023 навучальным годзе навучаецца 17804 вучні. Сярэдняя напаўняльнасць класаў складае 25 чалавек. У гэтым навучальным годзе 70,4% вучняў дзясятых класаў вывучаюць вучэбныя прадметы на павышаным узроўні; 73,2% – у адзінаццатых. У сярэдніх школах №№ 8, 11, 16 функцыянуюць педагагічныя класы (групы), у гімназіі № 2 працягваюць працаваць класы прафесійнай накіраванасці – ваенна-патрыятычныя, у сярэдняй школе №10 – ваенна-патрыятычныя класы пагранічнай накіраванасці, сярэдняй школе № 12 – прававой накіраванасці, у сярэдніх школах №№ 14, 18 – класы МНС.
У 2022 годзе завяршылі навучанне і выхаванне на II ступені агульнай сярэдняй адукацыі 1674 вучні, 115 уручана пасведчанне з адзнакай. На III ступені агульнай сярэдняй адукацыі – 850 вучняў, з іх 104 ўзнагароджана залатымі, 3 срэбнай медалямі.
У 2022 годзе пераможцамі заключнага этапу рэспубліканскай алімпіяды па вучэбных прадметах сталі 12 вучняў, трэцяга этапу – 72. На базе ўстаноў адукацыі горада працуюць навучальныя курсы па падрыхтоўцы вучняў да алімпіяд.
На рэспубліканскім конкурсе работ даследчага характару вучні атрымалі 3 дыплома і 2 пахвальныя водзывы.
Па выніках цэнтралізаванага тэсціравання максімальны вынік 100 балаў атрымалі 10 выпускнікоў.
На базе ўстаноў адукацыі рэалізоўваецца 3 эксперыментальныя праекты (дзіцячы сад №10, сярэдняя школа №10, ЦКРНіР) і 6 інавацыйных праектаў (дзіцячы сад №10, дзіцячы сад №11 , сярэднія школы №№ 1, 10, 18, гімназіі №№ 1,2,3, ліцэй ПалесДУ).
Прыярытэтным напрамкам выхаваўчай работы з’яўляецца грамадзянска-патрыятычнае і ідэйна-маральнае выхаванне.
На сённяшні дзень колькасць членаў ГА "БРСМ” складае 398 вучняў, ГА “БРПА" – 9683 вучні.
З 2008 года наш горад ўдзельнічае ў міжнароднай ініцыятыве дзіцячага фонду ААН (ЮНІСЭФ) «Горад, дружалюбны дзецям». У кастрычніку 2013 года Пінску прысвоена ганаровае званне «Горад, дружалюбны дзецям» за стварэнне ўмоў, найбольш спрыяльных для пражывання і развіцця дзяцей, у 2018 годзе пацверджана.
Развіваецца і ўкараняецца ў практыку работы валанцёрскі рух. На базе ўстаноў адукацыі функцыянуе 20 валанцёрскіх атрадаў з ахопам 436 чалавек.
На 01.10.2022 у горадзе пражывае 2081 дзіця з АПФР ва ўзросце ад 0 да 18 гадоў(з іх 325 дзяцей-інвалідаў). Працэнт ахопу карэкцыйна-педагагічнай дапамогай складае100%.
Забяспечанасць настаўнікамі-дэфектолагамі складае 100%.
На 01.10.2022 у горадзе 10 прыёмных сем’яў, у якіх выхоўваецца 14 дзяцей, 131 дзіця – у 102 апякунскіх сем'ях, 13 дзяцей-сірот і дзяцей, якія засталіся без апекі бацькоў, – у двух дзіцячых дамах сямейнага тыпу.
На 01.10.2022 у банку дадзеных дзяцей, якія знаходзяцца ў сацыяльна небяспечным становішчы, 281 дзіця з 128 сем'яў.